பாஜக வின் மேற்கு வங்க மாநில தலைவர் திலிப் கோஷ் .

சர்ச்சை பேச்சுகளுக்கு சொந்தக் காரர். பாஜக தலைவர்கள் என்றால் இப்படித்தான் பேசுவார்கள் என்ற கெட்ட பெயரை சம்பாதித்திருப்பவர். ஆனால் அவருக்கு இப்படி பேசுவது பெருமையாக இருக்கும் போல் இருக்கிறது.

கட்சி மேலிடம் கூட இப்படிப் பட்டவர்களைத்தான் ஊக்குவிக்கிறது.

மாட்டு இறைச்சி சாப்பிடுபவர்கள் அவர்கள் அத்துடன் நாய்க்கறி யையும் சேர்த்து சாப்பிடலாம் என்று ஒரு பொதுக்கூட்டதிலேயே பேசியிருக்கிறார். ஏனென்றால் மாட்டிறைச்சி என்ன பலனை தருமோ அதையே தான் அந்த இறைச்சிகளும் தரும் என்பது அவரது கருத்து.

பசுக்களை வதைப்பவர்கள் சமூக விரோதிகள் என்றவர் உலகில் உள்ள மற்ற நாடுகளில் உள்ள பசுக்களை காட்டிலும் இந்தியப் பசுக்கள் பல்வேறு சிறப்புகளை கொண்டிருக்கின்றன. இந்தியப் பசுக்களில் கிடைக்கப் பெறும் பாலில் தங்கம் கலந்திருக்கிறது. இதனால் தான் அந்த பாலில் சிறிது  மஞ்சள் நிறமும்  இருக்கிறது என்றார் கோஷ். 

ஆராய்ச்சி மையம் தான் இதற்கு பதில் சொல்ல வேண்டும்.

பாஜக மீது  மக்களுக்கு வளர்ந்து வரும் வெறுப்புக்கு இத்தகைய பேச்சுக்கள் தான் காரணம் என்பதை இவர்கள் அறிய மாட்டார்களா?