கர்நாடகத்தில் மத சார்பற்ற ஜனதா தளம்- காங்கிரஸ் கூட்டணி அரசு நடந்து வருகிறது.

அதை கவிழ்த்து தான் ஆட்சியில் அமர பாஜக எல்லாவித அரசியல் அசிங்கங்களையும் அரங்கேற்றி வருகிறது.

பலியாவது கட்சித் தாவல் தடை சட்டம்.

இப்போது மூன்றில் இரண்டு பங்கு உறுப்பினர்கள் இருந்தால்தான் ஒரு கட்சியில் பிளவை ஏற்படுத்த முடியும்.

அதை முறியடிக்கும் நோக்கில் பாஜக திட்டமிட்டு இருப்பது தான் ராஜினாமா நாடகம்.

இன்று ராஜினாமா செய்திருக்கும் 16 எம் எல் ஏக்களும் ராஜினாமா செய்யாமல் கட்சிகளை எதிர்த்து பேசியிருந்தால் அவர்களை கட்சி தாவல் தடை சட்டப்படி  தகுதி இழப்பு செய்ய முடியும்.

நாங்களாகவே ராஜினாமா செய்கிறோம் என்றால் ஆளும் கட்சியின் பலம் குறைகிறது அல்லவா.

ராஜினாமா செய்பவர்கள் ஒன்றும் பலன் இல்லாமலா ராஜினாமா செய்வார்கள்?  ராஜினாமாவை ஏற்றுக் கொள்ள சபாநாயகருக்கு உத்தரவிடக் கோரி நீதிமன்றம் சென்றவர்கள் என்ன பலனை எதிபார்த்து அதை செய்திருப்பார்கள்?

இது ஜனநாயக மோசடி அல்லாமல் வேறு என்ன?

நாளை குமாரசாமி நம்பிக்கை ஓட்டில் வெற்றி பெறுகிறாரா இல்லையா என்பது  வேறு.

ராஜினாமா செய்தவர்கள் இதுவரை ஏற்றுக் கொள்ளத்தக்க என்ன காரணத்தை சொல்லி இருக்கிறார்கள்?

இதுமாதிரி சட்டத்தை இழிவு படுத்து வதை விட பேசாமல் கட்சி தாவல் தடை சட்டத்தையே ரத்து செய்து விடலாம்.