சீட்டும் இல்லே சட்டமும் இல்லே!
மூன்று நம்பர் லாட்டரி கோடிக்கணக்கில்?!
கேரளாவில் மூன்று நம்பர் லாட்டரி நடக்கிறதாம். ஆனால் அதை வைத்து தமிழ்நாட்டில் சீட்டே இல்லாமல் கோடிக்கணக்கில் மூன்று நம்பர் லாட்டரி வியாபாரம் கொடிகட்டி பறக்கிறதாம்.
காவல்துறை தன் பங்கிற்கு மூவாயிரம் வழக்கிற்கு மேல் பதிவு செய்திருக்கிறதாம். எத்தனை பேர் தண்டிக்கப் பட்டிருக்கிறார்கள் என்பது கேள்வி?
யாரோ நடத்தும் லாட்டரியை வெறும் வாட்ஸ் அப்பில் பகிர்ந்து வியாபாரம் செய்கிறார்கள் என்றால் அதையும் மக்கள் நம்பி அதில் பணத்தை முதலீடு செய்கிறார்களே அவர்களை என்ன சொல்வது?
இதில் ஒரு குடும்பமே தற்கொலை செய்து கொண்டதும் தான் விவகாரம் வெளியில் வந்திருக்கிறது.
பொதுமக்கள் ஏமாறாமல் இருந்தால் மட்டுமே குற்றங்களை தடுக்க முடியும். சட்டப்படி குற்றம் என்று தெரிந்தும் அதில் பணத்தை முதலீடு செய்யும் மக்களும் சரியான நடவடிக்கை எடுத்து தண்டிக்காமல் இருக்கும் காவல் துறையும் தான் இதற்கு முழுப் பொறுப்பேற்றுக் கொள்ள வேண்டும்.
காவல் துறையை சரிக்கட்டாமல் இந்த சட்ட விரோத வியாபாரம் நடத்த முடியாது என்பதால் காவல் துறையே முழுப் பொறுப்பை ஏற்க வேண்டும்.
