பொதுமேடை

அப்படித்தான் சில அமெரிக்க சட்ட வல்லுனர்கள் கருதுகிறார்கள். அவர்கள் சீனா மீது பல லட்சம் கோடி நட்ட ஈடு  கேட்டு  வழக்கு தொடுத்திருக்கிறார்கள்.

போதாததற்கு அமெரிக்க அதிபர் டிரம்ப் சீனா வேண்டுமென்றே செய்திருந்தால் அதற்கான விளைவுகளை சந்திக்க வேண்டி வரும்  என்று வழக்கம்போல் மிரட்டி இருக்கிறார்.

ஐரோப்பாவில் பல நாடுகள் இந்த சந்தேகத்தில்  இருக்கின்றன. ஆனால்  அதற்கு ஆதாரம் வேண்டுமே?

வூகானில் சீனா சில உயிரிகள்  தொடர்பான ஆராய்ச்சிகள் செய்து வருவதை   மறுக்க வில்லை. ஆனால் இந்த ஆட்கொல்லி உயிரி தங்கள் கட்டுப்பாட்டில் என்றுமே இருந்ததில்லை   என்று சீனா சொல்கிறது.

சீன விஞ்ஞானிகள் கொரொனாவை மனிதர்கள் உருவாக்க முடியாது என்று சொல்கிறார்கள். 

மனிதர்களால் உருவாக்க முடியாததை சீனர்கள் உருவாக்கியதாக சொன்னால் அது தவறுதான்.

சீனாவில் பாதிப்பு அதிகம் இல்லை என்பதை மட்டும் வைத்து அவர்களை குற்றம் சொல்வது தவறு.

ஆனாலும் எப்படி இந்த வைரஸ் தோற்றம் கொண்டது  பரவியது என்பது பற்றிய ஆழமான ஆராய்ச்சி அவசியம் தேவை. 

எதிர்காலத்தில் வைரஸ் ஒரு ஆயுதமாக பயன் படுத்தப் படாது  என்பதை  உறுதி படுத்தும் வரை மனித இனத்துக்கு ஆபத்து நீங்காது.

மத்திய அரசு தனது ஊழியர்களிடம்  ஒரு  நாள் சம்பளத்தை ஓராண்டுக்கு பிடித்தம் செய்ய திட்டமிட்டிருக்கிறது.

அந்த துகை பி  எம் கேர்ஸ்‌ பண்ட் நிதிக்கு போய் சேரும். இன்று அறிவித்து இருபதாம் தேதிக்குள் ஆட்சேபனை ஏதும் இருந்தால் தெரிவியுங்கள் என்கிறார்கள்.

யார் தெரிவிப்பார்கள்? இது ஒரு வகை கட்டாய வசூல் என்கிற விமர்சனம் எழுந்திருக்கிறது.

கொரொனா நிவாரண நிதிக்கு எல்லாரும் வசூல் செய்கிறார்கள். மாநில  அரசுகள் தங்கள் ஊழியர்களிடம் சம்பளத்தில்  பிடித்தம் செய்கிறார்கள். ரயில்வே கூட தனது ஊழியர்களிடம் சம்பளத்தில்  பிடித்தம் செய்து பிரதமரின் நிதிக்கு கொடுக்க இருக்கிறார்கள். எல்லா துறையினரும் தங்கள் பங்கை செலுத்த தயாராக இருக்கும் நேரத்தில் மத்திய அரசு  எந்த வகையிலும் கட்டாய வசூலில் ஈடுபடக் கூடாது.

மத்திய அரசு ஊழியர் சங்கங்கள் பிரதிநிதிகள் இந்த முடிவை  கண்டித்திருக்கிறார்கள்.  மத்திய அரசு ஏதோ நிதி நெருக்கடியில் இருப்பது  போல் ஒரு தோற்றத்தை  இது உருவாக்கும் என்று அவர்கள் ஆட்சேபிக்கிறார்கள்.

176000 கோடி ரிசர்வ் வங்கி நிதியை எடுத்து யார் யாருக்கு மத்திய அரசு  கொடுத்தது என்பது பற்றி தெளிவான பதில் இல்லை.

இன்று ரிசர்வ் வங்கி அறிவித்திருக்கும் நிதி சலுகைகள் கூட மறைமுகமாகத்தான் ஏழைகளுக்கு பயன் அளிக்குமே தவிர நேரடியாக அல்ல.

ஒரு மாதம் இரண்டு மாதம் என்றால் இந்த கேள்வி எழுந்திருக்காது. ஒரு வருடத்திற்கு பிடிப்போம் என்றால் அதுவரை  கொரொனா பாதிப்பு நீடிக்கும்  என்று மத்திய அரசு  உறுதியாக நம்புகிறதா ?

முக ஸ்டாலினுக்கு பதில் சொல்வதாக நினைத்துக்  கொண்டு நேற்று முதல்வர்  சொன்ன இரண்டு செய்திகள் காமெடியாகப் போகும் என்று அவரே எதிர்பார்த்திருக்க மாட்டார்.

ஏழைகளுக்கு கொரொனா வராது என்பது முதல் கண்டுபிடிப்பு.

இன்னும் இரண்டு மூன்று நாளில் கொரொனா தமிழ்நாட்டில் என்பது இரண்டாவது கண்டுபிடிப்பு.

எந்த பொருளில் பேசினார் என்று அவர்தான் விளக்கம் கொடுக்க வேண்டும்.

இரண்டுக்கும் அறிவியல் ஆதாரம் இல்லை என்பது எல்லாருக்கும் தெரியும். ஏன் முதல்வருக்கும் தெரியும்.

இருந்தாலும் நம்பிக்கை தருவதற்காகவும்  நல்லெண்ணத்தின் அடிப்படையிலும் அப்படி பேசினார் என்று எடுத்துக் கொண்டாலும் ஒரு முதல்வர் அப்படி பேசலாமா என்ற கேள்விக்கு  பதில்  இல்லை.

நோய்க்கு பராரி என்று தெரியுமா பணக்காரன் என்று தெரியுமா?

ஏழைக்கு நோய் எதிர்ப்பு சக்தி அதிகம் என்பது  அவர்களை பாராட்டுவதா இகழ்வதா?

எதிர்ப்பு சக்தியோடு நீ ஏழையாகவே இரு என்கிறார்களா ?

நோய் வாய்பட்டவர்கள் பணக்காரர்கள் அவர்களுக்கு நிவாரணம் தேவையில்லை  என்கிறார்களா ?

ஒருநாள் நோய் வாய்ப்பட்டவர்கள் இருபத்து ஐந்து பேர் என்றதும் இரண்டு மூன்று நாளில் நோயே இருக்காது என்பது எந்த அடிப்படையில்? அது அலட்சியத்துக்கு வழி வகுத்து விடாதா ?

முதல்வர் பேசும்போது கொஞ்சம் எச்சரிக்கை உடன் பேசினால் நல்லது.  இல்லாவிட்டால் அவரது பதவிக்கு உரிய கண்ணியம் கெட்டு விடும்.