பொதுமேடை

சமீப காலமாக ஒரு செய்தி வாட்ஸ் அப்பில் உலா வந்தது.

அதில் கமல்ஹாசன் பேசுவது போல் ஓர் வீடியோ. அவர் பேசுகிறார் “ஆம். நான் பணத்திற்காக கிறிஸ்தவ மத பிரச்சாரம் செய்தேன். கிறிஸ்தவ மீடியா சென்டரில்  சேர்த்து அதை செய்தேன். என் மதத்தில் எந்த நம்பிக்கை வைத்திருந்தேனோ அதே நம்பிக்கையை  கிறிஸ்தவ மதத்தின் மீதும் வைத்திருந்தேன்.”

அது உண்மையா என்பதை கமல்ஹாசன் தெளிவுபடுத்த வேண்டும். அவரது மூத்த சகோதரர் லண்டனில் இறந்தபோது அவர் கிறிஸ்தவ முறைப்படி சர்ச்சில் அடக்கம் செய்யப் பட்டதாகவும் அந்த வீடியோ காட்டுகிறது. அதேபோல் அவரது அண்ணன் சாருஹாசனும் இந்து மத விரோத கருத்துக்களை பேசி எல்லாரும் கிறிஸ்தவ மதத்துக்கு மாறிவிட்டது போல் பேசுகிறார்கள்.

பார்ப்பனர்கள் கிறிஸ்தவ மதத்துக்கு மாறுவது ஒன்றும் புதிதல்ல.

ஐரோப்பிய நாடுகளுக்கும் அமெரிக்காவுக்கும் செல்லும் பெரும்பாலான பார்ப்பனர்கள் அங்கே அந்த நாட்டு கிறிஸ்தவ பெண்களை திருமணம் செய்து கொண்டு கிறிஸ்தவர்களாக மாறிக் கொள்வது வழக்கம். அதன் பின் அவர்கள் அந்த நாட்டு அரசியலிலே புகுந்து வெற்றி பெற்று சாதனை படைத்தது வருகிறார்கள்.

அரசியல் ஆசை கொண்ட எந்த பார்ப்பனரும் தன் அடையாளத்தை விடாப்பிடியாக வைத்துக் கொள்ளமாட்டான்.

அடையாளம் எல்லாம் மனதிற்குள் மட்டுமே இருக்கும்.

மற்றவரை வெல்ல வேண்டுமானால் அடையாளத்தை மாற்றிக் கொண்டால்தான் முடியும் என்றால் மாற்றிக கொள்வதில் என்ன தவறு என்று பார்ப்பனீயம் கேட்கும்.

கமலது தாக்குதல் திமுகவை நோக்கி அதிகமாக இருப்பதால் இந்த சந்தேகம்.

காசு கொடுக்காமல் பதினைந்து லட்சம் வாக்குகள் பெற்று விட்டதால் இவரது கட்சி நிலைபெற்று விடும் என்று சொல்ல முடியாது.

அரசியல் தனது பிழைப்பல்ல என்று கூறும் கமல் அடுத்து இந்தியன்2 நடிக்கப் போய்விடுவார்.

அவரை நம்பி அரசியலுக்கு வந்தவர்கள்?

                   நகர்ப்புறத்து பார்ப்பனர்களும் சூதறியா பிற வகுப்பு இளைஞர் களும் ஏதோ ஈர்ப்பில் இவரிடம் சென்றார்கள். புத்தி தெளிந்தபின் திரும்பி விடுவார்கள் பார்ப்பனர்கள் தவிர. 

                   எந்த பிரச்னை பற்றியும் உறுதியான கொள்கை எதையும் சொல்லாத கமல் தமிழக அரசியலில் செல்வாக்கு பெறுவது அசிங்கம்.  

கமல் மீது நமக்கு வெறுப்போ கோபமோ இல்லை. அவர் பார்ப்பனர் என்பதால் மட்டும் இந்த விமர்சனம் இல்லை.

நாத்திகன் என்று சொல்லிக்கொள்பவர் ஒரு மத பிரச்சாரகரா என்ற கேள்வி முக்கியம்தானே?

தமிழ் மொழி பாதுகாப்பு தமிழர் நலன் பாதுகாப்பு என்று குறிப்பிட்டு பேசக் கூட தயாராக இல்லாதவர் உண்மையில் யார் என்ற கேள்வி எழுவது நியாயமா இல்லையா?

எப்படியோ மூன்றாவது இடத்தை தக்க வைத்துக்கொண்டார் தினகரன்.

ஆனால் இவர் பெற்ற 22.5 லட்சம் வாக்குகளும் தேர்தல் முடிவுகளில் எந்த மாற்றத்தையும் ஏற்படுத்த முடியவில்லை.

நான்கு சட்டமன்ற இடைதேர்தல்களிலும் மூன்று பாராளுமன்ற இடங்களிலும் இவரால் அதிமுக வெற்றி தடுக்கப்பட்டது ஒன்றே இவருக்கு ஆறுதல்.

அடுத்த அரசியலுக்கு இது போதுமா?

அதிருப்தியாளர்கள் திரும்பவும் அதிமுகவுக்கு தாவுவதை இனி இவரால் தடுக்க முடியுமா?

இனி அதிமுக என்றால் ஒபிஎஸ் – இபிஎஸ் என்றாகி விட்டது.

அமமுக என்ற தனிக்கட்சியோடு திருப்தி அடைய வேண்டியதுதான் தினகரனின் ஒரே வாய்ப்பு.

போதா குறைக்கு பெரியார் அண்ணா கொள்கைகளை தினகரன் அதிகம் பேசுவதில்லை. ஜெயலலிதா பெயரை மட்டுமே சொல்கிறார். எம்ஜியாரே பெரியார்,அண்ணா கொள்கைகளை சொல்லித்தான் அரசியல் செய்தார் தவிர தான் தனித்து எந்த கொள்கையையும் முன்னெடுத்ததில்லை. அதேபோல் ஜெயலலிதாவும் அண்ணா எம்ஜியாரை சொல்லித்தான் ஆட்சி செய்தார். தனித்து எந்த கொள்கையையும் முன்னெடுக்காத ஜெயலலிதாவை மட்டுமே முன்னிலைப்படுத்தும் தினகரன் எப்படி அரசியல் செய்ய முடியும்.

சொத்துக் குவிப்பு வழக்கில் சிறையில் இருக்கும் சசிகலாவை வெளியில் வந்ததும் மக்கள் ஏற்றுக் கொள்வார்கள் என்று எதிர்பார்ப்பது நடக்கவே முடியாத ஒன்று.

பணம் மட்டுமே தேர்தல் வெற்றியை தீர்மானிக்கும் என்று இன்னமும் தினகரன் நம்பிக் கொண்டிருக்கிறார். பணம் தேனியில் மட்டுமே செல்லுபடியானது. அங்கேயும் கூட ஒபிஎஸ் மகன் வெற்றிபெற மோடி உதவினார் என்று ஈவிகேஎஸ் குற்றம் சாட்டுகிறார்.

வழக்கு போடப்போவதாகவும் சொல்லிக்கொண்டிருக்கிறார்.

பாஜக எதிர்ப்பு என்ற ஒரு கொள்கையில் மட்டுமே தினகரன் இதுவரை உறுதியாக இருக்கிறார். எதிர்காலத்தில் இருப்பாரா என்பதை சொல்ல முடியாது.

உள்ளாட்சி தேர்தல்களில் மட்டும் இவரால் சாதிக்க முடியும் என்று எதை வைத்து நம்புவது.? இப்போதே  ஆர்கேநகர் வெற்றி பற்றி இனி பேச முடியாது என்று ஆகிவிட்டது.

இவர் எழுப்பும் புதிய புகார் தேர்தல் ஆணையம் பதில் அளிக்க வேண்டியது.

சுமார் 300 வாக்குச் சாவடிகளில் ஒரு வாக்கு கூட பரிசு பெட்டுக்கு விழவில்லையாம். அங்கே இருந்த நான்கு வாக்குச்சாவடி ஏஜெண்டுகளின் வாக்குகளும் எங்கே போனது என்பது பற்றி தேர்தல் ஆணையம்தான் பதில் சொல்ல வேண்டும் என்கிறார். 

                        உங்கள் ஏஜெண்டுகள் உங்களுக்குத்தான் வாக்களித்தார்கள் என்று எதை வைத்து சொல்கிறீர்கள் என்று கேட்டால் இவர் என்ன சொல்வார்? 

ஆனாலும் இவரது புகாரை புறந்தள்ளி விட முடியாது. மின்னணு வாக்கு எந்திரங்கள் இன்னும் என்னவெல்லாம் கேள்விகளை எழுப்பப்போகிறதோ? விசாரணை நடக்குமா என்று கூட உறுதியில்லை.

இருக்கிற உதிரிகளில் கொஞ்சம் வலுவான உதிரி.