பொதுமேடை

சுவாமி அய்யப்பனை தரிசனம் செய்ய காவல் துறை பாதுகாப்பு கேட்டு மனு செய்த நான்கு பெண்களின் மனு கேரள உயர்நீதிமன்றத்தில் விசாரணைக்கு வந்தது.

அப்போது கருத்து சொன்ன ராமச்சந்திர மேனன் தேவன் ராமச்சந்திரன் அடங்கிய அமர்வு இந்துக்கள் அல்லாதோரை சபரிமலைக்கு அனுமதிக்க மறுப்பது கேரளாவில் நிலவி வரும் சமய ஒற்றுமையை சீர் குலைக்கும் என்றனர்.

மேலும் கூறுகையில்  சபரிமலை மட்டுமே எல்லா மதத்தவரும் சென்று வழிபட உரிமை படைத்த கோவிலாக விளங்கி வருகிறது. அங்கேதான் பக்தர்கள் சபரிமலை பிரயாணத்தின் ஒரு பகுதியாக வாவர் மசூதிக்கும் சென்று வழிபடுகின்றனர் என்றனர்.

இந்து ஆலயத்தின் ஒரு பகுதியாக மாற்று மதத்தவர் வழிபாட்டிடம் இடம் பெறுவது  அரிது.

வாவர் ஒரு இஸ்லாமியர். ஐயப்பன் சுவாமி. இஸ்லாம் தோன்றி 1600 ஆண்டுகள்தான் ஆகின்றன. இஸ்லாம் இந்தியாவுக்கு வந்து அங்கே இருக்கும் ஒரு குடிமகன் இஸ்லாமியனாக மாற சில நூற்றாண்டுகள் பிடித்திருக்கும். அவர் சுவாமி அய்யப்பனின் நண்பராக விளங்கி இருக்கிறார். அதுவும் சுவாமி அய்யப்பன் ஆலயம் இருக்கும் இடத்திலேயே வாவருக்கும் ஒரு மசூதி எழுப்பி அவரையும் வணங்கி வரவும் அனுமதி வழங்கப் படுகிறது. அதிலும் குறிப்பாக மசூதியிலேயே விபூதி பிரசாதம் வழங்கப் படுவது ஆச்சரியம். இதெல்லாம் இஸ்லாத்தில் அனுமதிக்கப் படுவதில்லை என்றாலும் பல நூற்றாண்டுகளாக இந்த நடைமுறை அமுலில் இருந்து வருகிறது.

போகிற போக்கை பார்த்தால் வாவர் மசூதியை அங்கே இருக்கக் கூடாது என்று கூட குரல் எழுப்பலாம். அப்படி செய்தால் சுவாமி அய்யப்பனையே அவமதித்ததாக ஆகலாம்.

மாற்று மதத்தவர் இருமுடி கட்டாமல் பதினெட்டாம்படி ஏற முடியாது. இருமுடி கட்டாதவர்கள் வேறு வழியில் சுவாமி  அய்யப்பனை தரிசிக்கலாம். இதுதான் நடைமுறை.

இந்து இயக்கங்கள் எதைச் செய்தாவது பாஜக வெற்றி பெற ஐயப்பன் கோவிலில் அனைத்து வயது பெண்கள் வழிபடும் உரிமை பிரச்னையை பெரிதாக்கி வருகிறார்கள்.

நீதிமன்றங்கள் இருக்கும் வரை அவர்கள் எண்ணங்கள் ஈடேற போவதில்லை.

ஆசிரமம் மீது தாக்குதல் நடத்திய இந்து அமைப்புகள் .

யார் பயங்கரவாதிகள்? இந்து அமைப்பபுகள் இகாற்கு விடைஅளித்திருக்கின்றன.  சபரிமலையில் அனைத்து வயது பெண்களையும் அனுமதிக்கலாம் என்ற உச்சநீதிமன்ற தீர்ப்புக்கு எதிராக பாரதிய ஜனதா கட்சியும் இந்து அமைப்புகளும் பல்வேறு வகைகளில் எதிர்ப்புகளை பதிவு செய்து வருகிறார்கள்.   

இந்த எதிர்ப்பு பக்தர்களின் தன்னெழுச்சியா  அல்லது தூண்டிவிடப்பட்ட வன்முறையா இதுதான் கேள்வி. ஆட்சேபணை செய்பவர்கள் உச்ச நீதிமன்றத்தில் மறு ஆய்வு செய்ய வேண்டும் என்று கூறலாம். அதற்காக சட்டப்படி மக்கள் ஆதரவை திரட்ட சட்டப்படி எதிர்ப்புகளை காட்டலாம். ஆனால் நடந்தது என்ன?   

மத வன்முறையை தூண்டி விட்டு அரசியல் லாபம் அடைவது ஒன்று தான் பாரதிய ஜனதா கட்சி லட்சியம் என்பதை நிரூபித்து விட்டார்கள். இரண்டாயிரத்துக்கும் மேற்பட்ட ஐயப்ப பக்தர்களை கைது செய்வதை எதிர்த்து நடவடிக்கைகளை நிறுத்தவில்லை என்றால் விளைவுகள் மோசமாக இருக்கும் என்று அமித்ஷா எச்சரிக்கிறார்.

உச்சநீதிமன்ற தீர்ப்பை அமல்படுத்துவதற்கு கேரளாவில் உள்ள பெண்கள் எதிர்ப்பு தெரிவித்து வருகின்றனர் என்பதுதான் அவருடைய நிலைப்பாடு. பெண்கள் மட்டும்தான் போராடுகிறார்களா? ஏற்பாடு செய்தது யார் ?   

உச்சநீதிமன்ற தீர்ப்பை ஆதரித்து பிரச்சாரம் செய்வதற்கும் உரிமை இருக்கிறது அல்லவா? அதை சங்க பரிவாரங்கள் அனுமதிக்கின்ற்னவா? கேரளாவை சேர்ந்த சாமியார் சந்தீபானந்தா வெளிப்படையாக உச்சநீதிமன்ற தீர்ப்புக்கு ஆதரவு தெரிவித்திருக்கிறார். பல்வேறு தொலைக்காட்சி நிகழ்ச்சிகளில் இந்த நிலைப்பாட்டை விளக்கி கூறி வருகிறார். அவருக்கு ஐயப்ப பக்தர்களும் சில இந்து அமைப்புகளும் எதிர்ப்புகளை பதிவு செய்து வந்தனர். 

இந்த நிலையில் திருவனந்தபுரத்தில் அமைந்துள்ள சாமியார் சந்தீபானந்தாவின்  ஆசிரமத்தில் நேற்று அதிகாலை மர்ம நபர்கள் சிலர் அடித்து நொறுக்கி ஆசிரமத்திற்கு வெளியே நிறுத்தப்பட்டிருந்த 2 கார் மற்றும் இரு சக்கர வாகனம் ஒன்றுக்கும் தீ வைத்திருக்கிறார்கள்.     

அரசு தக்க நடவடிக்கை எடுக்கும் என்று முதல்வர் பினராயி விஜயன் சொல்லியிருந்தாலும் பாரதிய ஜனதா கட்சியையும் சங்பரிவார் அமைப்புகளை அடையாளம் கண்டு கொள்வதற்கு இந்த சம்பவம் ஒரு சாட்சியாக விளங்குகிறது.    மக்கள் புரிந்துகொள்ள வேண்டிய தவிர்க்க வேண்டிய எதிர்க்க வேண்டிய சக்தி இந்து அமைப்புகள்தான் என்பதை இந்த சம்பவம் மேலும் உறுதிப்படுத்துகிறது.