பொதுமேடை

நான்காம் தர பேச்சாளர்களை கேள்விப்பட்டிருக்கிறோம்

பொறுப்பான பதவியில் இருந்துகொண்டு

கீழ்த்தரமான சொற்களைப் பயன்படுத்து பவர்கள் இருக்கத்தான் செய்கிறார்கள்

சமீபத்திய உதாரணம் கருணாஸ்-சட்ட மன்ற உறுப்பினர்

முறைகேடாக பேசி  இப்போது சிறையில் இருக்கிறார்

எப்போது பிணையில் வருவாரோ அவருக்கே தெரியாது?

திடீரென்று ஆளும் கட்சி எதிர்க்கட்சிக்கு  எதிராக

பொதுக்கூட்டங்களை அறிவித்தது

எதிர்க்கட்சி ஆளுங்கட்சிக்கு  எதிராகப் போராடலாம்

ஆளுங்கட்சி  போராடுவது தமிழ்நாட்டில்தான் .

அந்த அதிசயம் நடந்தது .   

அத்தகைய கூட்டம் ஒன்றில் பேசும் போது தஞ்சையில்

அமைச்சர் துரைக்கண்ணு பேசுகிறார். என்ன ஊழல் ஆட்சி ஊழல் ஆட்சி என்று சொல்லிகிட்டே இருக்கே ? இனிமே அப்படி பேசினா நாக்கை அறுத்துப்போடுவேன் “

இப்படி பேசுபவர்களை நாம் அமைச்சர்களாக கொண்டிருக்கிறோம்.

எப்படி உருப்படும் தமிழ்நாடு?

அமைச்சர் மீது என்ன நடவடிக்கை யார் எடுப்பார்கள்?

இவர்களுக்கு மற்றவர்கள் மீது நடவடிக்கை எடுக்க

 என்ன தார்மீக உரிமை இருக்கும்?

ராஜேந்திர பாலாஜி, செல்லூர் ராஜு, திண்டுக்கல்  சீனி வாசன்

வீரமணி ,   ஓ எஸ் மணியன்    விஜயபாஸ்கர் போன்ற

காமெடி அமைச்சர்கள் பட்டியலில்

இப்போது  சேர்ந்து கொண்டார்  துரைக்கண்ணு .

குறிப்பு; விமர்சனங்கள் வலுத்ததும் ‘ நாக்கு அழுகிவிடும் ‘  என்ற கிராமத்து

அடைமொழியை வாய் தவறி ‘ அறுத்துவிடுவேன்’ என்று தவறாக

பேசிவிட்டதாக அமைச்சர் துரைக்கண்ணு விளக்கம் அளித்திருக்கிறார்.

இனிமேல் பேசாமல் இருந்தால் சரி.

கருணாஸ் மீது சுமத்தப்பட்ட  குற்றச்சாட்டுகளில் ஒன்று பார்ப்பனர், நாடார் சாதி ஆதிக்கத்தில் பத்திரிகைகள் இருக்கின்றன என்பது. எல்லோருக்கும் தெரிந்த உண்மைதானே இது இருப்பதில் என்ன தவறு என்றுதானே கேட்கவேண்டும்? யார் பத்திரிகை தொடங்குவதை யார்  எதிர்த்தார்கள்? சி. பா.ஆதித்தனார் உழைப்பால் உயர்ந்தவர். தினத்தந்தி ஆரம்பித்தபோது அது முதல் தமிழர் நாளிதழ். கூடவே நாம் தமிழர் இயக்கத்தை தொடங்கினார்.

நெடுங்காலமாக இருந்த பார்ப்பனர் ஆதிக்கத்தை ஊடகத்தில் இருந்து ஒதுக்கி வைத்து தமிழர்களுக்கும்  இடம் தேடிய முயற்சி அது. தினத்தந்தியை எல்லா தமிழ்ச் சாதிகளின் கொண்டாடின. நீதிக்கட்சி திராவிடர் கழகம் திமுக  போன்ற மக்கள் இயக்க செய்திகளை பார்ப்பன ஆதிக்கத்தில் இருந்த இந்து , தினமணி போன்ற பத்திரிகைகள் நான்காம் தர செய்திகளாக வெளியிட்டன.

அந்தக் காலகட்டத்தில் தமிழ் இன, மொழி  எழுச்சி செய்திகளை பரப்பியது தினத்தந்தி. எனவே அது எல்லா சாதிகளுக்குமான பத்திரிகை தான். உரிமையாளர் நாடார் சமூகத்தை சேர்ந்தவராக இருந்தார். இன்றைக்கும் தினத்தந்தி நம்பர் 1 இடத்தில் இருப்பதற்கு எல்லா சாதி தமிழர்களும்தான் காரணம். எல்லோருடைய ஒத்துழைப்பும் இல்லாமல் அது முதலிடத்தில் நீடிக்க முடியாது. பாரபட்சமின்றி எல்லா தரப்பு நியாயங்களையும் அது முன்னிறுத்துகிறது. தமிழர்களின் வாழ்வோடு இணைந்து விட்ட உறுப்பினர் தினத்தந்தி.

இன்றைக்கும் தினத்தந்தி மெருகு குறையாமல் தமிழர் உரிமைக்  குரலை ஒலிக்கும் வாகனமாக பயணம் செய்கிறது அதன் இடத்தை யாராலும் பிடிக்க முடியவில்லை. அதேபோல மாலை முரசு,  மாலை மலர், ராணி போன்ற பத்திரிகைகளும் எல்லா தரப்பினரையும் தான் வசீகரித்திருக்கிறது. அதன் நிறுவனர்  பிறந்தநாள் நிகழ்ச்சிகளுக்கு  முக்கியத்துவம் அளிப்பதினாலேயே அது  ஒரு சாதி பத்திரிகை ஆகிவிடாது. தினத்தந்தியின் செல்வாக்கை குறைக்க இந்து தமிழ் செய்தி வருகிறது. தினமலர் தோற்றுப்  போன இடம் அது. தினமணி வைத்தியநாதய்யர் ஆண்டாள் பற்றிய வைரமுத்து கட்டுரையை பிரசுரித்தற்காக சங்கர மடத்தில் சென்று  மன்னிப்பு கேட்பாரா இல்லையா? அன்றே நடுநிலை என்று சொல்லிக் கொள்ளும் தகுதியை தினமணி இழந்துவிட்டது.

எத்தனை பெரிய மக்கள் திரளாக  இருந்தாலும் அதை நான்கு வரி செய்தியாக போடுவது  இந்து பத்திரிகைவழக்கம். மகாத்மா காந்தி இறந்த செய்தியை இரண்டாம் பக்க செய்தியாக வெளியிட்ட பத்திரிகை அது. காரணம் சொன்னார்கள். அப்போது முதல் பக்கம் முழுதும் விளம்பரம் போட்டோம் என்று. அடப்பாவிகளா,  ஒரு தேசத்தின் தந்தை சுட்டுக் கொல்லப்  பட்ட செய்தியை விட உனக்கு விளம்பரம் முக்கியமாக போய் விட்டதா? கேட்க ஆளில்லை.

வேறு வழியில்லாமல்தான் இவைகளை வாங்கியே ஆக வேண்டிய கட்டாயத்தில் தமிழர்கள். ஜல்லிக்கட்டை வரலாற்றின் கடந்த காலமாக கருதி மறந்து போக வேண்டியதுதான் என்று தலையங்கம் எழுதியது இந்து. பாரபட்சமாக செய்திகளை வெளியிடுகிறார்கள் என்ற குற்றச்சாட்டில் உண்மை இருக்கிறதா இல்லையா என்பதை அவர்களே சொல்லட்டும்! அதனால்தான் அரசியல் கட்சிகள் தங்கள் கருத்துக்களை கொண்டு செல்ல கட்சி பத்திரிகைகள் நடத்துகிறார்கள் .

முரசொலி , நமது எம்ஜிஆர், நமது அம்மா, விடுதலை, தீக்கதிர் ,  இன்னும் எண்ணிலடங்கா கட்சிப் பத்திரிகைகளின் தேவை அதனால் தான். இன்று ஆங்கில பத்திரிகைகளில் இந்து, இந்தியன்  எக்ஸ்பிரஸ், டைம்ஸ் ஆப் இந்தியா, எல்லாம் அவர்களால் நடத்தப்படுகின்றன. அவர்களோடு போட்டி போட்டு ஆங்கில பத்திரிகைகளை நடத்தி விட முடி முடியுமா?

தினத்தந்தி யின் DT next  ஆங்கில இதழ் முன்னேறவில்லையே. எனவேதான் பத்திரிகை தர்மம் கடைப்பிடிக்க அனைவரையும் வலியுறுத்துகிறோம் பத்திரிகை என்பது எல்லாருக்குமான பத்திரிகைகளாக உலா வர வேண்டும் அதை வலியுறுத்தும் சக்தி வாசகர்களுக்கு இருக்கவேண்டும். அதுதான் ஆரோக்கியமான ஜனநாயகம்.

உரிமையாளரை வைத்து சாதி ரீதியாக குறை சொல்வது சமூக மோதல்களை வளர்க்கவே உதவும்.. கருணாஸ் பேச்சும் சரி  அதற்கு எதிர்ப்பு தெரிவித்து எடுக்கப்படும் ஒருசில  நாடார் சங்க நடவடிக்கைகளும் சரி அனைத்தும் இதைத்தான் நமக்கு போதிக்கின்றன. எல்லாரும் சேர்ந்து தமிழர் ஒற்றுமைக்கு உலை வைக்காதீர்கள்.

மனுநீதியை ஏற்கிறதா எடப்பாடி அரசு?

எச் ராஜா எஸ்வி சேகர் இருவருக்கும் ஒரு நீதி

கருணாசுக்கு  ஒரு நீதி-

எடப்பாடிஅரசின் நடவடிக்கைகள் இதைத்தான் காட்டுகின்றன

எஸ் வி சேகர் மீது வழக்கு பதியப்பட்டு பல நாட்களாக

கைது செய்யப்படாமல் வலம் வந்து கொண்டிருந்தார்

தலைமைச் செயலாளரின் உறவினர் என்பதால்

அரசு பேசாமல் இருக்கிறதா என்ற கேள்வி அதிகரித்தது

உச்சநீதிமன்றம் வரை சென்ற சேகரை கைது செய்ய

தடை விதிக்க மறுத்தது நீதிமன்றம்

வேறு வழி இல்லாமல் ஒரு நல்ல நாள் பார்த்து

காவல் பாதுகாப்புடன் நீதிமன்றத்தில் ஆஜராகி

உடனே பிணையில் விடுதலையானார் சேகர்

எச் ராஜா கதை வேறு அவர் மீது வழக்கு பதியப் பட்டிருக்கிறது

2 தனிப்படை அமைத்து  தேடிக்கொண்டிருக்கிறது காவல்துறை

அதே காவல் துறை பாதுகாப்புடன்  நான் சுதந்திரமாக இருக்கிறேன்

என  அறிவித்து விட்டு  வலம் வந்து கொண்டிருக்கிறார் எச் ராஜா

சட்டமன்ற உறுப்பினர்  கருணாஸ் மீது வழக்கு பதிவானது

உடன் காவல்துறை சுறுசுறுப்பாகி  அதிகாலை நேரத்தில்

கைது செய்து சிறையில் அடைத்திருக்கிறது

அவரது பேச்சு நியாயமானதா  என்பது விவாதத்துக்கு உரியது

 பேச்சின் சில பகுதிகள் ஏற்றுக்கொள்ளவே முடியாதவை

ஒரு சட்ட மன்ற  உறுப்பினர் என்ற தகுதிக்கு தகாதவை

 இப்போது பிரச்சனை  அதுவல்ல

ஏன் இதே நடவடிக்கை  எச் ராஜா மீது பாயவில்லை என்பதுதான் கேள்வி?

மனு நீதியில்தான்  பிராமணன் கொலை செய்தால்

தலை முடியை சிரைத்து  நாடுகடத்து

 மற்றவன் செய்தால் தலையை வெட்டு   என எழுதி வைத்தார்கள்

இந்த இரட்டை நீதி எடப்பாடி ஆட்சியில்  தொடர்கிறதா?

கருணாசுக்கு  பரிந்து எந்த முக்குலத்தோர் அமைப்பும்  அறிக்கை விடவில்லை

ஆனால் தமிழ்நாடு பிராமணர் சங்க மாநில தலைவர் நாராயணன்

தலைமையில் நடந்த கூட்டத்தில் பேசிய அதன்  தலைவர் பேசுகிறார்

”  பாஜக தேசிய செயலாளர் எச் ராஜா மீது வழக்குகள் பதிவு செய்ததற்கு

சங்கம் சார்பில் கண்டனம்  தெரிவிக்கப்படுகிறது . மேலும்

அந்த வழக்குகளை ரத்து செய்ய வேண்டும் என சங்கம் சார்பில்

வலியுறுத்தப் படுகிறது”  என்று பேசியிருக்கிறார்.

வழக்கின் தன்மை பற்றி எதுவும்  சொல்லாமல் எப்படி

வாபஸ் பெறுங்கள் என்று சொல்கிறார்?

இதுதான் சாதி வெறி.

சாதியத்தை  தமிழக ஊக்குவிக்கிறதா?

இதற்கும் நீதிமன்றம் செல்ல வேண்டுமா? பொறுத்திருப்போம்?

உற்பத்தியே ஆகாத காற்றாலையின் பெயரில்
Rs.9,17,03,379/- ஒன்பது கோடியே பதினேழு லட்சத்து மூவாயிரத்து முன்னூற்று எழுபத்து ஒன்பது ருபாய்
மதிப்புள்ள காற்றாலை மின்சாரம் பெறப்பட்டதாக
போலி ஒதுக்கீடு கணக்கு காட்டப்பட்டுள்ளது என்று
தமிழ்நாடு மின் உற்பத்தி மற்றும் பகிர்மான கழகத்தில் உள்ள
திருநெல்வேலி மண்டல ஆடிட் உதவி அதிகாரி
தனது அறிக்கையில் சொல்லியிருப்பதை ஆதாரமாக காட்டி
திமுக தலைவர் மு க ஸ்டாலின் இந்த ஊழல் குறித்து
குற்றம் சுமத்தி அறிக்கை வெளியிட்டிருந்தார்.

அதே அதிகாரி இந்த ஒன்பது கோடி ரூபாயை வட்டியுடன்
உடனடியாக வசூல் செய்ய வேண்டும் என்றும் குறிப்பிட்டிருந்தார்.
பதில் கூறிய அமைச்சர் தங்கமணி கூடுதலாக கூறியது
‘ இது தனியார் ஆலைகளுக்குள் நடைபெற்ற விவகாரம்’
‘ மின்சார வாரியத்தில் இருந்து இந்த பணமும் கொடுக்க வில்லை’ என்பது. பின்னர் ஏன் தனியார் கம்பெனிகளுக்கு ஒன்பது கோடி வட்டியுடன் கேட்டு
அறிவிப்பு கொடுத்தீர்கள்? அவர்கள் ஏன் நீதிமன்ற தடை வாங்கினார்கள்?
அனல் மின் நிலையத்தில் உற்பத்தியான மின்சாரத்தை
தனியார் கம்பெனிகள் வாங்கியதில் நடந்த தவறை
மின்சார வாரியத்துடன் இணைக்க பார்க்கிறார்கள் என்பதுதான்
அமைச்சர் தங்கமணியின் வாதம்.

அடுத்த வரியிலேயே மின்சார வாரியத்துக்கு வரவேண்டிய தொகையை
செலுத்துமாறு நோட்டிஸ்தான் அனுப்பியிருக்கிறோம் என்றால்
நோட்டிஸ் சரியா தவறா?
சரி என்றால் ஊழல் உண்மை.
இல்லை என்றால் ஏன் அப்படி பொய் நோட்டிஸ் அனுப்ப வேண்டும்?
வழக்கு தொடருவோம் என அமைச்சர் கூற,
தொடர வில்லையென்றால் நான் வழக்கு தொடர்வேன் என ஸ்டாலின் பதில் கொடுக்க
தங்கமணி என்ன செய்ய போகிறார் என்று நாடே எதிர்பார்க்கிறது.