பொதுமேடை

அரவிந்த் கேஜ்ரிவால் ஆம் ஆத்மி கட்சியின் டெல்லி முதல்வர்.
அறிவித்திருக்கும் புரட்சி திட்டம் எந்த அளவுக்கு வெற்றி பெரும் என்பது வேறு.
ஆனால் நல்ல தொடக்கம்.
ஆம். போன் செய்தால் போதும் . அரசு அதிகாரி வீடு தேடி வந்து
40 வகையான வேலைகளை பொதுமக்களுக்கு செய்து கொடுப்பார்.

தாழ்த்தப்பட்டோர் சான்றிதழ் பிற்பட்டோர் சான்றிதழ்
குடும்ப நல திட்டங்கள் பற்றிய அனைத்து மனுக்கள்
ஓட்டுனர் சான்றிதழ் தொடர்பான அனைத்து வேலைகளும்
சொத்து உரிமை மாற்றம் தொடர்பான அனைத்து வேலைகளும்
வீட்டு தலைவருக்கு தேவையான குடும்ப அட்டைகள்
இன்னும் இதுபோன்ற சுமார் 40 பணிகள்
வரும்காலத்தில் அதை 150 பணிகளுக்கு விரிவு படுத்தும் திட்டமும் உண்டு.

நேற்று இந்த திட்டம் தொடங்கியவுடன் சுமார் 21000 போன் அழைப்புகள்
அவைகளில் சுமார் 1200 மட்டும் அதிகாரிகளால் தொடர்பு கிடைக்கப் பட்டு
விபரங்கள் கோரிப்பெற்றபின் 369 வேண்டுகோள்கள் அதிகாரிகளால்
ஏற்றுக் கொள்ளப்பட்டு ஒரு வாரத்தில் செய்து முடிக்கப் படும்
என்று அதிகாரபூர்வமாக அறிவிக்கப் பட்டது.
எல்லா வேலைகளும் முடியுமா எல்லாருக்கும் முடியுமா
அத்தனை அதிகாரிகள் இருக்கிறார்களா என்பதை தாண்டி
ஒரு நல்ல முயற்சி மேற்கொள்ளப் பட்டிருக்கிறது.
அனுபவத்தின் அடிப்படையில் அதை நிவர்த்தி செய்து
முழுமையாக்கலாம். அந்த வகையில்
கேஜ்ரிவால் வெற்றி பெற்றிருக்கிறார்.

அரசு அலுவலகத்தில் இரண்டற கலந்திருக்கும் ஊழல் நோயை
விரட்ட இந்த முறை முழுமையாக பயனளிக்கும்.
இந்தியா முழுமைக்கும் எல்லா அரசுகளும்
பின் பற்ற வேண்டிய முன்மாதிரி திட்டமாக
இந்த வீடு தேடி வரும் அரசுப் பணி திட்டம்
விளங்கும் என்பதில் ஐயம் இல்லை.
நிறை குறைகளை ஆராய்ந்து
மற்றவர்களும் முயற்சிக்கட்டுமே?!

ஆந்திராவின் சித்தூர் மாவட்டம் ஸ்ரீகாளஹஸ்தி வாகவேடு கிராமத்தில்
தமிழர் நாகரிகம் சம்பத்தப் பட்ட பழங்கால சிலை ஒன்று கண்டுபிடிக்கப் பட்டது.
Archaelogical Survey of India தொல்லியல் துறையின் வின் ஆந்திர பிரிவு இதை கண்டுபிடித்திருக்கிறது .

ஆயிரம் ஆண்டுகளுக்கு முந்தைய சோழர் கால சிலை.
அந்த அமைப்பின் துணை ஆய்வாளராக Asst Epigraphist , இருக்கும் பி டி நாகராஜன்
என்பவர் இந்த சிலையை தோண்டி எடுத்த குழுவின் உறுப்பினர்.
ஓர் வயலில் இருந்து இது கண்டு எடுக்கப் பட்டிருக்கிறது.
தமிழ்நாட்டின் எல்லை பகுதிகளில் பல முறை இது போன்ற
தமிழ் எழுத்துக்கள் பொறித்த சிலைகள் கண்டெடுக்கப்பட்டிருகின்றன.
இந்த சிலையின் உயரம் ஐந்தடியாம். அகலம் நான்கடி.
கிராநைட் கல்லில் செதுக்கப் பட்ட ஒரு மனிதன் கையில் வாள் ,
கேடயம் இடுப்பில் கட்டிய கத்தி இருக்கிறது.

அதில் பொறிக்கப் பட்ட வாசகங்கள் படி, இரண்டு பெயர்கள் குறிக்கப் படுகின்றன.
ஒருவர் பெயர் சிந்தன். மற்றொருவர் பெயர் பெரும்பீமன் .
இவர் ஏத்தா என்ற கோட்டையை காக்கும் பொருட்டு
ஏராளமான எதிரிகளை வீழ்த்தியிருக்கிறார்.
சிந்தன் போரில் இறக்க, அழகன் கருப்பருடையார் என்ற குறுநில மன்னர்
வரியில்லாத வளமான நிலங்களை வாகவேடு கிராமத்தில் இருந்த
அவரது சகோதரர் சோழர் மால்துயன் என்பவருக்கு தானம் அளித்திருக்கிறார்.
இந்த தானம் கருப்பருடயான் என்ற அதிகாரியால் சாட்சி செய்யப் பட்டிருக்கிறது.
நாகராஜன் சொல்லும்போது இந்த பதிவு பதினோரு நூற்றாண்டுகளாக அப்படியே இருக்கிறது என்றார்.

தமிழ்நாட்டில் போர் வீரர்களுக்கு கல் நாட்டி வழிபடுவது வழக்கமான ஒன்று.
உள்ளூர் காரர்களுக்கு இதன்முக்கியத்துவம் தெரியாததால் அப்படியே கிடந்திருக்கிறது. தமிழ்நாட்டில் கூட குல தெய்வ அய்யனார் கோவில்களில் முன்பெல்லாம் நடுகல் வணக்க முறையில் செதுக்கப் பட்ட சிலைகள் தான்
இருந்திருக்கின்றன. அவைகள் அந்தந்த கிராமத்தின் வெற்றி வீரர்கள்.
அந்தந்த ஊர் வீரர்கள் பெயரில் அய்யனார் அழைக்கப் படுவார்.
அய்யனார் என்பது பொதுப்பெயர். பெயரோடு அய்யனார் சேர்க்கப் படும்.
பெயர் கல்யாணி என்றால் அவர் கல்யாணி அய்யனார்.
பெயர் சேர்வராயர் என்றால் அவர் சேர்வராயர் அய்யனார்.
பெயர் பரமநாதன் என்றால் அவர் பரமநாத அய்யனார்.
இப்படி ஆயிரக்கணக்கான பெயர்களில் இருந்த அய்யனார்களை
ஒரு கால கட்டத்தில் பார்ப்பனர்கள் சாஸ்தா அய்யனார் ஆக்கி விட்டார்கள்.

அதாவது ஐயப்பன் தான் அய்யனார் என்று திருத்தி சொல்ல ஆரம்பித்து விட்டார்கள்.
தமிழர்களும் கேட்டுக் கொண்டு கும்பிடு போட்டு வந்து கொண்டிருக்கிறார்கள்.
எனவேதான் இந்த இந்த கண்டுபிடிப்பு முக்கியத்துவம் பெறுகிறது.
வரலாற்றை இழந்து நிற்கும் தமிழன்
கொஞ்சமாவது சிந்திக்க ஆரம்பித்தால்
வரலாறு மீண்டும் திரும்பும் என்பது நிச்சயம்.
ஆட்சிக்கு வருபவர்கள் தான் இந்த உணர்வைப் பெறவேண்டும்.
பெறுவார்களா? தமிழ்நாட்டு அரசு இதுபற்றி ஏதாவது
கொஞ்சமாவது கவனம் செலுத்த வேண்டுமே?
அதற்கு அவர்களுக்கு நேரம் இருக்க வேண்டுமே?

விநாயகர் வழிபாட்டுக்கும் விநாயகர் சதுர்த்தி ஊர்வலங்களுக்கும்
பெருத்த வேறுபாடு உண்டு.
வரும் 13 ம் தேதி விநாயகர் சதுர்த்தி .
நம்பிக்கையாளர்களுக்கு வாழ்த்துக்கள்.
விநாயகர் நம்பிக்கை வேறு. அது தமிழர்களுக்கு உரியதா என்பதெல்லாம் இருக்கட்டும்.
எங்கும் நீக்கமற நிறைந்திருக்கிறவர் பிள்ளையார் .
புராண கதைகள் பற்றி விவாதிப்பதோ விமர்சிப்பதோ
நமக்கு இப்போது தேவையில்லை. நேரமுமில்லை.

எல்லா தெய்வங்களையும் ஒன்றெனக் கருதும் தமிழர்
இதையும் ஒன்றாக பாவித்துக் கொள்வதில் ஒன்றும் பிரச்னை இல்லை
அனைத்து தெய்வங்களுமாக இருந்து அருள்புரியும் ஓரிறை
அதில் பிள்ளையாரும் ஒருவர். அவ்வளவுதான்.
ஆனால் விநாயகர் சதுர்த்தி ஊர்வலங்கள் தமிழ்நாட்டில் எப்போது வந்தன . ?
சுதந்திர போராட்ட காலத்தில் பால கங்காதர திலகர்
இந்துக்களை ஒன்று திரட்டி போரட்டத்திற்கு வலு சேர்க்க முயன்றார்.
அதன் விளைவாக மும்பையில் தோன்றிய இந்த ஊர்வலங்களை
ஆர் எஸ் எஸ் தனதாக்கிக் கொண்டு இன்று நாடு முழுதும்
இந்துக்களை ஒன்றிணைத்து ஒரு சக்தியாக்கிட பயன்படுத்தி வருகிறது.

பின்னணியில் இந்து முன்னணி விஸ்வ இந்து பரிஷத் பா ஜ க என்ற பல
பெயர்களில் பார்ப்பனர்கள் தூண்டு கோலாய் இருந்து
செயல்பட வைக்கிறார்கள். அவர்கள் இல்லையென்றால்
இந்த விழா இல்லை ஊர்வலங்கள் இல்லை.
இதனால் பல நன்மைகளும் தீமைகளும் உண்டாயின.
நன்மை என்றால்
பலருக்கு வாழ்வளித்து வருகிறது.
சிலை உருவாக்குவதில் தொடங்கி அதை பராமரித்து
கரைக்கும் வரை பலருக்கும் அதில் பங்கிருக்கிறது.

எல்லா சாதி மக்களையும் பங்கேற்க வைக்க முடிகிறது. அதுவரை எந்த தொடர்பும் இல்லாமல் இருந்தவர்கள்
இந்த நிகழ்ச்சிகள் மூலமாக சங்கமிக்கிறார்கள்
நேரடியாக சாமிக்கு வைவேத்யம் தீப தூபம் காட்ட முடிகிறது.
அதாவது பார்ப்பன அர்ச்சகர் கிடைக்காத இடங்களில்.
எங்களுக்கு ஒரு திருவிழா இருக்கிறது என்று மாற்று
மதத்தவர் மத்தியில் சொல்லிக் கொள்ள முடிகிறது.
இந்துக்கள் ஒன்றாகத்தான் வலுவாகத்தான் இருக்கிறார்கள்
என்று மாற்று மதத்தவர்களுக்கு தரும் செய்தியாக இருக்கிறது.
பலர் தங்களுக்கு இந்த மதத்தில் இருந்து கொண்டு ஏதோ தொண்டு
செய்ய கொடுக்கப் பட்ட வாய்ப்பாக இதை வரவேற்கிறார்கள்.

சமயத் தொண்டு செய்த ஒரு திருப்தி பலருக்கு.
தீமை என்றால் சிலை செய்வதில் ரசாயன கலப்பு செய்து
அதை நீர்நிலைகளில் கரைக்கும் போது பெருத்த
தீமைகளுக்கு அடி கோலுகிறது.
வேண்டும் என்றே முஸ்லிம் பள்ளிவாசல்கள் வழியாக
செல்வோம் என்று பிடிவாதம் பிடித்து தீராத பகையை உருவாக்குகிறார்கள்.
பல இடங்களில் இந்துக்கள் என்போர் இடையே கூட பல
கும்பல்கள் தோன்றி வன்முறைக்கு வித்திடும் சம்பவங்கள் தொடர்கின்றன.

காவல் துறைக்கு மாளாத துன்பங்களை உருவாக்குகின்றன.
பக்தி என்றால் அவரவர் வீடுகளில் வணங்குவதே
தெரு விநாயகர் வழிபாடு வலு காட்டுவதற்கே
அதிலும் ஊர்வலங்கள் பிறரை எச்சரிப்பதற்கே
எல்லாவற்றையும் விட முக்கியம்
பார்ப்பனீயத்திடம் அடங்கிப் போவது உறுதிபடுத்தப் படுகிறது
இதைத்தான் அவர்கள் எதிர்பார்க்கிறார்கள்
விநாயகர் என்ற பிள்ளையார் வழிபாடு வீட்டில் அல்லது ஆலயத்தில்
தருவது பக்தர்களுக்கு ஆத்ம திருப்தி
அதே பிள்ளையாரை தெருத் தெருவாக ஊர்வலமாக
அழைத்துச் சென்று பரப்புவது தமிழர் கலாச்சாரமல்ல.
விவாதிக்கட்டுமே தமிழ்ச்சமூகம்.

தெலுங்கானா முதல்வர் கே சந்திரசேகரராவ்
ஜோதிடம் எண் ராசி பார்ப்பவர்.
அவருக்கு எண் 6 ராசியாம்.
அதனால் அந்த தேதியில் சட்ட மன்றத்தை கலைத்து தேர்தலுக்கு தயார்
என அறிவிப்பார் என ஊடகங்கள் எழுதின.
டைம்ஸ் ஆப் இந்தியா நாளிதழும் எழுதியது.
பலரும் நம்பவில்லை. ஆனால் அதைத்தான் செய்தார் கே சி ஆர்.

கலைத்து மட்டுமல்ல ஜெயலலிதா ஸ்டைலில்
119 சட்ட மன்ற தொகுதிகளில்
105 தொகுதிகளுக்கு வேட்பாளர்களையும் அறிவித்தார்.
மிச்ச தொகுதிகளை பா ஜ க உள்ளிட்ட ‘ நண்பர்களுக்கு’ என வைத்திருக்காலாம்.
அடுத்த ஆண்டு ஆகஸ்டு வரை இருக்கும் பதவியை
ஏன் சுருக்கிக் கொள்ள வேண்டும் ?
அடுத்த ஆண்டு மே மாதம் பாராளுமன்ற தேர்தல் வரும்
அதோடு சேர்த்து நடத்தியிருக்கலாமே ?
பாராளுமன்ற தேர்தலோடு சேர்த்து நடத்த கே சி ஆர் விரும்பவில்லை
ஏனென்றால் அப்போது மோடியா ராகுலா என்பதுதான் பிரதானமாக இருக்கும்.

தனியாக நடத்தினால் கே சி ஆருக்கு போட்டி இருக்காது
என நம்புகிறார். இப்படி
முன்கூட்டியே தேர்தல் நடத்திய வாஜ்பாய் 2004 ல் தோற்றார்.
காங்கிரசை மோசமாக திட்டும் கே சி ஆர் பா ஜ வை அப்படி திட்டுவதில்லை.
ஏனென்றால் கே சி ஆரின் இந்த திட்டத்திற்கு
பிரதமர் மோடி ஆதரவாக இருப்பதுதான்.
இவர் சட்ட மன்ற கலைப்பை அறிவித்த உடனே
தேர்தல் கமிஷன் அப்படியே ஏற்றுக் கொள்கிறது.
மாநில தேர்தல் நடக்க இருக்கும் ராஜஸ்தான் மத்திய பிரதேஷ்
சட்டிஸ்கார் மிசோரம் உள்ளிட்டவைகளோடு தெலுங்கானாவையும்
சேர்த்திருக்கலாம். ஆனால் தேர்தல் கமிஷன் டிசம்பரிலேயே
தெலுங்கானா தேர்தலை நடத்த தயாராக இருக்கிறது.

அதுவும் எப்படி தெரியுமா? வாக்காளர் பட்டியல் அடுத்த ஆண்டு
தேர்தலுக்கு 2019 ம் ஆண்டு ஜனவரி 20 ம் தேதி தான் முடிவுறும்
என தேர்தல் கமிஷன் அறிவித்திருந்தது.
இப்போது சென்ற ஆண்டு வாக்காளர் பட்டியலை வைத்தே
டிசம்பரின் நடத்தி விடலாம் என திட்டமிடுகிறார்கள்.
தேர்தல் கமிஷன் ஒத்துழைப்புடன்.
மோடியின் ஆசியில்லாமல் இது நடக்குமா?
இவர்கள் தான் சட்ட மன்ற தேர்தல்களையும் பாராளுமன்ற தேர்தலையும்
ஒரே நேரத்தில் நடத்துகிறவர்களாம் .
கே சி ஆர் ராகுலை ‘ பெரிய கோமாளி” என்று வருணித்து
தன் முதல் எதிரி யார் என்பதை அறிவித்து விட்டார்.

பாராளுமன்றத்தில் மோடியை கட்டிபிடித்ததையும் கண்ணடித்ததையும்
சுட்டிகாட்டி விமர்சித்தாலும் அது தரமானதா?
சாதனைகளால் தன்னால் வெல்லமுடியும் என்று
கே சி ஆர் நம்பியிருந்தால் இப்படி தேர்தலை
முன்னேற்றி இருக்க வேண்டியதில்லையே ?!!
பார்க்கலாம் கே சி ஆர் – மோடி ரகசிய கூட்டு வெல்கிறதா என்று
மோடிக்கு கே சி ஆரின் ஆதரவு பாராளுமன்ற தேர்தலுக்கு பின்
உறுதியானால் போதும். அதற்கு இப்போது கே சி ஆரின் திட்டங்களுக்கு
ஆதரவு அளிக்கிறார்.
ஆனால் மக்களின் தீர்ப்பு
எண் ராசியினால் நிர்ணயிக்கப் படுவதில்லை.