பொதுமேடை

இந்தியாவில் அறிவிக்கப் பட்ட எய்ம்ஸ் மருத்துவமனைகளில் எத்தனை செயல்  பாட்டுக்கு வந்திருக்கிறது?

இந்தக் கேள்விக்கு விடை கிடைக்கு முன் தமிழ் நாட்டில் மதுரையில் எய்ம்ஸ் மருத்துவமனை கொண்டு வந்தது  பா ஜ க வாலா பா ம கா வாலா என்ற வாதம் தொடங்கி விட்டது.

தான்   2008 லேயே மதுரை தோப்பூரில் எய்ம்ஸ் அமைய உத்தரவிட்டு நிதி ஒதுக்கியதாகவும் அதன் பின் பதவி விலகியதால் மேற்கொண்டு தொடர முடியவில்லை என்றாலும் தன்னால்தான் மதுரையில் எய்ம்ஸ் வந்தது என்றும் அன்புமணி  ராமதாஸ் உரிமை கோர , பின் எதற்காக நீங்கள் எய்ம்ஸ் தர்மபுரியில் அமைய வேண்டும் என்று மனு கொடுத்தீர்கள் என்றும் தமிழிசை கேள்வி கேட்க , முன்னால் நாம் சொன்ன எப்போது எய்ம்ஸ் அமுலுக்கு வரும் என்ற கேள்வி பின்னுக்கு போய் விட்டது.

வரும் முன் தமிழ்நாட்டில் மதுரை , செங்கிப்பட்டி, வேலூர், தர்மபுரி , திருச்சி என்று போட்டி இருக்கலாம்.  வந்தபின் அதன் நடைமுறை பற்றி சிந்திப்பதே நல்லது.

தென் மாவட்டங்களை பா ஜ க குறி வைக்கிறது .

தேவேந்திர குல வேளாளர் , வன்னியர் என்று  சாதி ரீதியாக வளைத்துப் போடப்  பார்க்கிறது.   அதுவே பா ஜ க – பா ம க இடையே உரசல் ஏற்பட காரணம்.

இதில் பா ஜ க வெற்றி பெறுமா என்பது வேறு.

என்ன காரணங்களுக்காக எய்ம்ஸ் வந்திருந்தாலும் வந்ததை வரவேற்போம்.

2017-18 ம்  ஆண்டில்  தமிழக அரசின் நிதிப் பற்றாகுறை ரூ   40,530 கோடி என்றும் தமிழ்நாடு மூன்றாவது பெரிய பற்றாக் குறை மாநிலம்  ரிசர்வ் வங்கி வெளியிட்ட வெளியீட்டில் இருந்து தெரிய வருகிறது.

அரசியல் நிலைத்தன்மை இல்லாதது அரசு  எந்திரம் முழு அளவில் செயல்படாதது புதிய தொழில் வரத்து இல்லாதது போன்றவை காரணம் என்கிறார்கள்.

Fiscal Responsibility and Budget Management Act ன் படி நிதிபற்றாக்குறை வட்டி செலவு மொத்தக்கடன் ஆகியன     3% அளவில் இருக்க வேண்டும் என்ற வரையறையை தமிழக அரசு எட்டிவிட்டதாகவும் அதனால்  14 வது நிதிக்கமிஷனின் பரிந்துரைகள் ஏற்கப் படுவதில் சிரமங்கள் ஏற்படலாம் எனவும் டெல்லி தேசிய பொது  நிதி மற்றும் கொள்கை இன்ஸ்டிட்யூட் பேராசிரியர் என் ஆர் பானுமூர்த்தி சொல்கிறார்.

இதற்கெல்லாம் தமிழ்நாடு உதய் திட்டத்தில் சேர்ந்ததுதான் காரணம் என்ற தமிழக அரசின் வாதம் தவறு என்றும் மகாராஷ்டிரா  குஜராத் மாநிலங்கள் எல்லாம் உதய் திட்டத்தில் சேர்ந்தும் அதனால் இழப்பை சந்திக்க வில்லைஎன்பதும் சுட்டி காட்டப் படுகிறது.

அரசின் வருவாய் உயராததுதான் காரணம்.   அதை அரசு  ஒப்புக்  கொள்ள வேண்டும்.

அடுத்து தொழிற்சாலைகள் அதன் முழு உற்பத்தி திறனில் செயல்பட்டால் மட்டுமே அரசிற்கு வருவாய் உயரும் எனவும் அதற்கு வாய்ப்பு இல்லை என்றும் கவனிக்கத் தக்கது.

அரசும் தன் செலவினங்களை குறைக்க திட்டமிட வேண்டும்.  அதை அரசு செய்கிரதாப் இன்றால் இல்லை என்பதே பதில் .

ஆக அரசின் தவறான நிதி க் கொள்கையினால் பாதிக்கப் படப் போவது என்னவோ பொதுமக்களே??!!

சென்னை மற்றும் மதுரை உயர்நீதிமன்றங்களில் வழக்கறிஞராக தொழில் செய்யும் வாஞ்சிநாதன் மக்கள் உரிமை பாதுகாப்பு மையத்தின்  ஒருங்கிணைப்பாளராக வும் இருக்கிறார்.

இவர் தூத்துக்குடி மாவட்ட மக்கள் கூட்டமைப்பு என்ற அமைப்பின் சார்பில் வழக்கு தொடர்ந்து இருக்கிறார்.

இவரை விமான நிலையத்தில் வைத்து பொது சொத்துக்கு சேதம் விளைவித்தல் உள்ளிட்ட சட்ட பிரிவுகளின் கீழ் பதிவான வழக்கில்  கைது செய்திருக்கிறார்கள்.

அந்த வழக்கு பொய்யா உண்மையா என்பது நீண்ட விசாரணைக்கு பின்பே தெரிய வரும்.  அதற்கு பல ஆண்டுகள் பிடிக்கும்.  இந்த தாமதம்தான் பிரச்னையின் மையப் புள்ளி.

இதை ஆட்சேபித்து வக்கீல்கள் ஆர்ப்பாட்டம் செய்திருக்கிறார்கள்.

நமக்கு எழும் கேள்வி வக்கீல்கள் ஆர்ப்பாட்டம் மட்டும்தான் செய்ய முடியுமா?

நன்றாக இது பொய் வழக்கு என்று தெரியும் வழக்கில் ஏன் பொய் வழக்கு போட்டவர் மீது குற்ற வழக்கு போட்டு தண்டிக்க முடியவில்லை.

சட்டத்தில் இதில் இடமில்லை  என்று சொல்ல முடியாது.

அதில் ஆயிரம் சந்து பொந்துகள் உள்ளன.    நீதிமன்றத்தின் நெடிய படிக்கட்டுகளை தொடர்ந்து தட்டிக் கொண்டே இருக்க வேண்டும்.   அப்போதுதான் நீதி கிடைக்கும்.

பொய் வழக்கு போடுகிறோம் என்ற பயம் காவல் அதிகாரிகளுக்கு அறவே இல்லை. ஏன் என்றால் யார் நீதிமன்றத்துக்கு அலைவார்கள். செலவு செய்வார்கள்.  அதுவே  பயமின்றி பொய் வழக்கு போடும் துணிவை தருகிறது.

வக்கீல்கள் தங்கள் மீதான பொய் வழக்குகளில் தக்க நிவாரணம் பெற முடியாது என்பது நீதித் துறைக்கே களங்கம்.