ரஜினியை வளைக்க என்னவெல்லாம் செய்கிறது மோடி அரசு?!

ரஜினி ஓடி ஒளிந்தாலும் விடமாட்டார்கள் போல் இருக்கிறது.

‘தர்பார்’ முடிந்து அடுத்த படத்திற்கு ரஜினி தயாரான நிலையிலும் பாஜக அவரை இழுக்கும் தன் முயற்சியை கைவிடவில்லை.

சர்வதேச திரைப்பட பொன் விழா கோவாவில் நடக்க இருக்கிறது.

அதில் இந்திய சினிமாவுக்கு பல ஆண்டுகளாக ரஜினிகாந்த் செய்துவரும் தன்னிகரற்ற பங்களிப்பையும் சேவையையும் கவுரவித்து அங்கீகரிக்கும் வகையில் சிறப்பு  விருதாக ‘ஐகான் ஆப் கோல்டன் ஜூபிலி‘ என்ற விருதை மத்திய அரசு அளிப்பதில் மகிழ்ச்சி அடைவதாக மத்திய  அமைச்சர் பிரகாஷ் ஜவடேகர் அறிவித்திருக்கிறார்.

சினிமாவுக்கு தொண்டு செய்ததற்கு பரிசு என்றால் எல்லாரும் மகிழ்ச்சி அடையலாம்.

உள் நோக்கம் இருக்குமோ என்ற சந்தேகம் தான் சிலரது மனதை உறுத்துகிறது.

என்ன செய்தாலும் ரஜினி அதற்கெல்லாம் மசியமாட்டார் என்றாலும் அடிக்க அடிக்க அம்மியும் நகரும் என்ற பழமொழிக்கேற்ப சரிந்து விடுவாரோ என்ற அச்சமும் எழாமல் இல்லை.

மத்திய அரசுக்கு ரஜினி நன்றி தெரிவித்து இருக்கிறார். நாமும் வாழ்த்துவோம்.

அரசியல் பக்கம் தலை வைத்து படுக்க மாட்டார் என்ற நம்பிக்கையுடன்.