பசும்பொன் தேவரின் ஜெயந்தி விழாவுக்கு வங்கியில் இருந்து தங்க கவசம் பெறும் உரிமை யாருக்கு என்பதில் ஓ பி எஸ் சும் தினகரன் அணியினரும் போட்டுக் கொண்ட சண்டை தேவரின் புகழுக்கு களங்கம் என்பதை இருவரும் சட்டை செய்ய வில்லை.
அப்போது ஓ பி எஸ் பொருளாளர். இப்போது துணை முதல் அமைச்சர். சசிகலாவால் நியமிக்கப் பட்ட சீனிவாசன் பொருளாளர் ஆக தொடர்கிறார். தினகரன் புதிய பொருளாளர் ஆக மற்றொருவரை நியமித்திருக்கிறார். யார் உண்மையான அ இ அ திமு க என்பது இன்னமும் தேர்தல் கமிஷனின் பரிசீலனையில் இருக்கிறது. இதில் பேசி ஒரு உடன்பாடு கொள்ள முடியாதவர்கள் உண்மையான தேவர் விசுவாசிகளா?
எது எப்படி இருந்தாலும் தேவர் ஜெயந்தியில் பிரச்னை செய்வது அவருக்கு செய்யும் அவமரியாதை என்பதை ஏன் இருவரும் உணரவில்லை என்பதுதான் கேள்வி.
இடையில் மாவட்ட ஆட்சியர் பெற்று விழாவை நடத்த வேண்டி வரலாம் என்ற சூழல்.
எல்லா சமூகத்தினரும் போற்றி புகழும் வண்ணம் வாழ்ந்த முத்துராமலிங்க தேவரை ஒரு சாதி தலைவராக உருவக படுத்த ஒரு தரப்பு முயற்சிப்பது முதல் யார் கட்டுப்பாட்டில் தங்க கவசம் இருப்பது என்பது வரை சம்பந்தப் பட்டவர்கள் அனைவரும் தகுதி இல்லாமல்தான் நடந்து கொள்கிறார்கள் என்பதுதான் உண்மை.
இதே மோதல் தேவர் ஜெயந்தி அன்றும் நடவாமல் இருந்தால் சரி.