ஒலிம்பிக்கில் தங்கம் கிடைக்காத குறையை பாராலிம்பிக்கில் தமிழகத்தின் மாரியப்பன்  தங்கவேலு உயரம் தாண்டும் போட்டியில் தங்கப் பதக்கம் பெற்று தமிழகத்திற்கு  பெருமை சேர்த்திருக்கிறார்.     தாண்டிய உயரம்    1.89 மீட்டர்.

விபத்தில் சிக்கி ஒரு காலின் கட்டை விரலைத் தவிர மற்ற விரல்களை இழந்த மாரியப்பன் ஐந்து வயது முதலே விளையாட்டில் ஈடுபாட்டுடன் பயிற்சி பெற்று வந்திருக்கிறார்.

சேலம் மாவட்டத்தில் ஒரு கிராமத்தில்  தந்தை ஆதரவு இல்லாமல் தாயின் அரவணைப்பில் வாடகை வீட்டில் வசித்து சகோதர சகோதரியின் பாச பிணைப்பில் வளர்ந்த மாரியப்பன் செய்திருக்கும் சாதனை , மாற்றுத் திறனாளிகளின் மத்தியில் பெருத்த உற்சாகத்தை ஏற்படுத்தும் என்பதில் சந்தேகம்  இல்லை.

தமிழக அரசு அறிவித்திருக்கும் இரண்டு கோடி மற்றும் மத்திய அரசு அறிவித்திருக்கும் எழுபத்தி ஐந்து லட்சம்  பரிசுகள் அவர்கள் குடும்பத்தின் எதிர் காலத்துக்கு உத்தரவாதம் அளிப்பதாக அமையும்.

தன்னம்பிக்கையும்  தளரா முயற்சியும் எப்போதும் வெற்றி பெறும் என்பதற்கு மாரியப்பன் மிகச் சிறந்த உதாரணம்.

மற்ற மாநிலங்களில் வெற்றி பெற்று  வரும் வீரர்களுக்கு அந்த மாநில அரசுகள் அளிக்கும் ஊக்க பரிசுகளோடு ஒப்பிட்டுப் பார்க்க நமக்கு சங்கடமாக இருக்கும்.    இன்னும் கொஞ்சம் உற்சாகப் படுத்தலாம்.

இன்னும் பல வெற்றிகளை அந்தத் தம்பி பெற வேண்டும்.