திருமாவளவன் கட்டபஞ்சாயத்து செய்கிறார் என்று பா ஜ க வின்  மாநிலத் தலைவராக உள்ள தமிழிசை பேசியது மிகப் பெரிய தவறு.

ஏதாவது ஆதாரம் வைத்திருக்கிறாரா ?       அதை வெளியிட்டுவிட்டு குற்றம் சுமத்தி இருந்தால் நியாயம் என்று சொல்லலாம்.

மத்தியில் ஆட்சியில் இருக்கிறோம் என்ற மமதையில் யாரை வேண்டுமானாலும் எப்படி வேண்டுமானாலும்  பேசலாம் என்ற தைரியம் எப்படி வந்தது?

மெர்சல் படத்தில் வந்த ஜி எஸ் டி – டிஜிட்டல் மணி போன்ற வசனங்கள்  உங்கள் தணிக்கை குழுவினரால் அனுமதிக்கப் பட்ட பிறகு நீங்கள் என்ன சூப்பர்  தணிக்கை குழுவா?

கண்டனம் தெரிவித்திருக்கலாம் .    தவறு  என்று சொல்லி  இருக்கலாம்.    அதற்காக சொத்தை அபகரிப்பவர் என்றெல்லாம் அவதூறு பரப்புவது அவருக்கு இப்போது அவமானத்தை தானே தந்திருக்கிறது .

யாகாவாராயினும் நா காக்க – தமிழிசை மறக்க கூடாத குறள்.

அதற்காக சிறுத்தைகள் பா ஜ க நடத்தும் செயற்குழுவிற்கே சென்று பிரச்னை  செய்வோம் என்று கிளம்பினால் தமிழக அரசியல் நாகரிகம் பலியாவது நிச்சயம்.

திமிறும் அகம்பாவமும் அரசியலுக்கு ஆகவே ஆகாது.