பழ.கருப்பையா ஏன் விலகினார் திமுகவில் இருந்து?

திமுக கார்பரேட் நிறுவனம் போல் நடத்துகிற விதம் பணமே எல்லாம் என்று கருதுகிற தன்மை திமுகவில் இருப்பதாக கூறி பழ கருப்பையா திமுகவில் இருந்து விலகி இருக்கிறார். ஸ்டாலினிடம் நேரில் சந்தித்து விலக போவதை தெரிவித்து அவரும் உபசரித்து கைகுலுக்கி விடை கொடுத்தார் என்று சொல்லி இருக்கிறார்.

விலகுவது அவர் உரிமை. காரணம் தான் புரிந்து கொள்ள முடியவில்லை. கருணாநிதி அழைத்ததால் திமுகவில் சேர்ந்தேன் என்றவர் அப்போது திமுக எப்படி இருந்ததோ அப்படித்தான் இப்போதும் இருக்கிறது. இதில் என்ன மாற்றத்தை கண்டுவிட்டார் அவர்.

ரஜினியிடம் போவதற்காக நிறைய பேர் காத்துக் கொண்டிருக்கிறார்கள். அந்த பட்டியலில் இவரும் சேருவதற்கு வாய்ப்புகள் அதிகம். ஏனென்றால் ரஜினியிடம் போவீர்கள என்று கேட்டதற்கு அவர் என்னை சந்திக்க விரும்புவாரா என்று தெரியவில்லை என்று கூறியிருக்கிறார். அதாவது ரஜினி விரும்பினால் சந்திக்க தயார் என்று பொருள். .

ரஜினி என்ன சொல்லப் போகிறார் என்பது தெரியாமலேயே அவருடன் சேரத்தயார் என்போர் பட்டியலில் கருப்பையாவும் இணைந்து விட்டதாகவே தோன்றுகிறது.

பத்தோடு பதினொன்று.